নিউজ ডেস্কঃ প্ৰবল ভূমিকম্পই জোকাৰি গ’ল এখন দেশ। বুধবাৰে পুৱা সংঘটিত ভূমিকম্পত কমেও পাঁচ শতাধিক জনৰ মৃত্যু ঘটাৰ আশংকা কৰা হৈছে।
জানিব পৰা মতে, বুধবাৰে পুৱা আফগানিস্তানত অনুভূত হয় ৬.১ তীব্ৰতাৰ ভূমিকম্পটো। স্থানীয় বাতৰি অনুসৰি ভূমিকম্পৰ ফলত ৫০০ ৰো অধিক লোকৰ মৃত্যু ঘটাৰ লগতে সহস্ৰাধিক লোক আহত হৈছে।
আনহাতে দুৰ্যোগ ব্যৱস্থাপনা বিভাগৰ মতে, এই ভূমিকম্পত নিহতৰ সংখ্যা এহাজাৰৰো অধিক হ’ব পাৰে।
আমেৰিকাৰ ভূতাত্ত্বিক সমীক্ষা অনুসৰি আফগানিস্তানৰ খোষ্ট চহৰৰ পৰা প্ৰায় ৪৪ কিলোমিটাৰ দূৰত্বত এই ভূমিকম্পৰ অভিকেন্দ্ৰ আছিল আৰু ইয়াৰ গভীৰতা আছিল ৫১ কিলোমিটাৰ।
এই ভূমিকম্প ইমানেই প্ৰবল আছিল যে চুবুৰীয়া দেশ পাকিস্তানৰ কুৱেটাৰ লাহোৰ, মুলটানতো ভূমিকম্পৰ অনুভূত হয়। ভাৰতৰো কোনো কোনো অঞ্চলত মৃদু কম্পন অনুভূত হয়।
Disaster in Afghanistan
— Negotium (@teamnegotium) June 22, 2022
A 6.1 magnitude earthquake has wreaked havoc in Afghanistan killing up to a 1000 people and injuring several more
Our thoughts and prayers are with the deceased and their families at this point of time#earthquake #Afghanistan #Afganistan #taliban pic.twitter.com/RietDFtsOo
খবৰ অনুসৰি, ইয়াৰ পূৰ্বে মঙলবাৰে নিশা পাকিস্তানতো ভূমিকম্পৰ জোকাৰণি অনুভূত হৈছিল। মঙলবাৰে বিয়লি ২.২৪ বজাত অনুভূত হোৱা ভূমিকম্পটোৰ প্ৰাবল্য ৰিখটাৰ স্কেলত আছিল ৬.১।
Earthquake death toll increases in south eastern #Afghanistan. D most updated figures show that more than 1000 people r died, hundreds are wounded & thousands are displaced. Hundreds houses also destroyed. People need urgent financial & healthcare support. #AfghanistanEarthquake pic.twitter.com/lDXfq2qeCJ
— Kabir Haqmal (@Haqmal) June 22, 2022
অৱশ্যে সৌভাগ্যক্ৰমে পাকিস্তানত এই ভূমিকম্পৰ ফলত কোনো প্ৰাণহানি হোৱা নাই বুলি জানিব পৰা গৈছে। ইয়াৰ উপৰিও মালয়েছিয়াতো গভীৰ নিশা ভূমিকম্পৰ কঁপনি অনুভূত হৈছিল। য’ত ভূমিকম্পৰ প্ৰাবল্য আছিল ৫.১।