ড্ৰাগছৰ বিৰুদ্ধে কঠোৰ হৈছে অসম আৰক্ষী।
প্ৰথমবাৰৰ বাবে ড্ৰাগছ মাফিয়াৰ সম্পূৰ্ণ সম্পত্তি জব্দ অসম আৰক্ষীৰ।
যোৱা ১২ জানুৱাৰীত বোকাজান আৰক্ষীয়ে অভিযান চলাই ড্ৰাগছ মাফিয়া বাবা হাজৰিকাৰ ঘৰৰ পৰা জব্দ কৰিছিল বুজন পৰিমাণ ড্ৰাগছ আৰু বন্যপ্ৰাণীৰ অংগ।
উল্লেখ্য যে, বাবা হাজৰিকাই ড্ৰাগছৰ সাম্ৰাজ্যৰে বোকাজানৰ খটখটিত গঢ়ি তুলিছিল বিশাল সম্পত্তি।
আৰক্ষীয়ে সদৰি কৰা অনুসৰি, দীৰ্ঘদিন ধৰি চুবুৰীয়া ৰাজ্য নাগালেণ্ডৰ পৰা ড্ৰাগছৰ সৰবৰাহ কৰিছিল বাবা হাজৰিকাই।
বোকাজান আৰক্ষীয়ে অভিযান চলাই ড্ৰাগছ আৰু বন্যপ্ৰাণীৰ অংগ জব্দ কৰাৰ পাছতেই কলিকতাৰ SAFEM(FOP)A, NDPSA আইনৰ অধীনত বাবা হাজৰিকাৰ সম্পূৰ্ণ সম্পত্তি জব্দ কৰে।
পৰৱৰ্তী সময়ত এই সম্পত্তি নিলাম হোৱাৰ সম্ভাৱনা প্ৰকাশ কৰিছে।
উল্লেখ্য যে, অসমত প্ৰথমবাৰৰ বাবে ড্ৰাগছ মাফিয়াৰ সম্পূৰ্ণ সম্পত্তি জব্দ কৰিছে অসম আৰক্ষীয়ে।
In a first, probably in the country, we moved competent authority to freeze the illegally acquired properties by druglord Baba Hazarika of Karbi Anglong. The competent authority concurred.
— DGP Assam (@DGPAssamPolice) February 21, 2022
This was done after financial investigation, very ably carried out by @karbianglongpol pic.twitter.com/vgw8jrdJ7q
ইতিমধ্যে টুইট যোগে এই কথা সদৰি কৰি কাৰ্বি আংলং আৰক্ষীক প্ৰশংসা কৰিছে আৰক্ষী প্ৰধান ভাস্কৰ জ্যোতি মহন্তই।