পিতৃ-মাতৃ বন্দনাৰ বাবে ছুটী মঞ্জুৰ ৰাজ্য চৰকাৰৰ, শিক্ষক সমাজৰ অসন্তুষ্টি…
পিতৃ-মাতৃ বন্দনাৰ বাবে ছুটী মঞ্জুৰ ৰাজ্য চৰকাৰৰ।
মাতৃ-পিতৃ বন্দনা আঁচনিৰ অধীনত ৰাজ্যিক কৰ্মচাৰীসকলে লাভ কৰিব ৯ আৰু ১০ ফেব্ৰুৱাৰীত দুদিন ছুটি।
আনহাতে ১১ ফেব্ৰুৱাৰী দ্বিতীয় শনিবাৰ আৰু ১২ ফেব্ৰুৱাৰী দেওবাৰ হোৱাৰ বাবে কৰ্মচাৰীসকলে মুঠ ৪ দিন ছুটি লাভ কৰিব।
কিন্তু তাৰ মাজতে ৰাজ্য চৰকাৰৰ অধীনস্থ শিক্ষকসকলৰ মাজত দেখা গৈছে অসন্তুষ্টি।
কিয়নো শিক্ষকসকলে অন্যান্য কৰ্মচাৰীসকলৰ দৰে লাভ নকৰিব ছুটি।
মাতৃ-পিতৃ বন্দনা আঁচনিৰ অধীনত শিক্ষকসকলেও দুদিন ছুটি লাভ কৰিব যদিও তেওঁলোকৰ বাবে নাথাকিব দ্বিতীয় শনিবাৰৰ ছুটি।
উল্লেখ্যে যে অন্য কৰ্মচাৰীৰ দৰে মুঠ ৪ দিন ছুটি লাভ নকৰিলে বহু সংখ্যক শিক্ষকে মাতৃ-পিতৃ বন্দনা আঁচনিৰ সুবিধা লাভ নকৰিব।
কিয়নো টেটৰ জৰিয়তে শিক্ষক হিচাপে যোগদান কৰা বহু শিক্ষকেই অন্য জিলাত কৰ্মৰত।
সেয়েহে এতিয়া শিক্ষকসকলকো দ্বিতীয় শনিবাৰে ছুটি দিয়ৰ বাবে দাবী উত্থাপন কৰিছে।
