অসমীয়াঅসম

নেতা-মন্ত্ৰীক নহয়, অৱসৰৰ পিছত স্বগৃহলৈ উভতি অহা এগৰাকী সেনা জোৱানক ঢোলে-দগৰে আদৰণি জনালে গাঁওবাসীয়ে

নিউজ ডেস্কঃ সুদীৰ্ঘ ২৬ বছৰ ভাৰত মাতৃৰ সেৱাত নিয়োজিত হৈ অৱসৰ গ্ৰহণৰ পিছত নিজৰ আপোন গাঁওখনলৈ উভতি অহাৰ পিছতে ঢোলে-দগৰে আদৰণি জনোৱা হ’ল এগৰাকী সেনা জোৱানক।

এই আবেগিক মুহূৰ্তৰ সাক্ষী হৈ ৰ’ল নগাঁও জিলাৰ বটদ্ৰৱাৰ নিকটৱৰ্তী বোৱালগুৰি।

২৬ বছৰীয়া কাৰ্যকালৰ অন্তত অৱসৰ গ্ৰহণ কৰি সেনা জোৱান ধৰণী বৰা স্বগৃহলৈ উভতি অহাৰ সময়তে তেওঁক ডিঙিত গামোছা, ফুলৰ মালা পিন্ধাই ঢোলে-দগৰে আদৰণি জনায় গাঁওবাসী আৰু পৰিয়ালৰ লোকে।

photo1656917248

উল্লেখ্য যে, বোৱালগুৰি অঞ্চলৰ এগৰাকী সৰবৰহী ব্যক্তি হিচাপে পৰিচিত ধৰণী বৰা সেনা বাহিনীত কৰ্মৰত হৈ থকা সময়তো গাঁওখনৰ বিভিন্ন অনুষ্ঠান-প্ৰতিষ্ঠানত আগভাগ লৈ আহিছিল।

গাঁওখনৰ সকলোৰে মৰমৰ ধৰণী বৰাক সেইবাবেই অৱসৰৰ পিছত উলহ মালহেৰে আদৰণি জনায় গাঁওবাসীয়ে।

ইফালে অৱসৰ গ্ৰহণৰ পৰৱৰ্তী সময়খিনিত নিজৰ জন্মভূমি গাঁওখনৰ লগতে অসম মাতৃৰ সেৱা আগবঢ়োৱাৰ ইচ্ছা ব্যক্ত ধৰণী বৰাই।

Related Articles

Back to top button