নিউজ ডেস্ক। সমাজত শিক্ষক সকলক সদায় শ্ৰদ্ধা আৰু সন্মান কৰা হয়। সকলোৱে সেয়েহে শিক্ষকক আদৰ্শ হিচাপে লয়। কিন্তু যদিহে শিক্ষকৰ কাৰ্য অসৎ হয়, তেন্তে সমাজ কি হ’ব পাৰে?
এইবাৰ তেনে এক ঘটনাই সংঘটিত হ’ল। য’ত ছাত্ৰ-ছাত্ৰীক পঢ়োৱাবলৈ আহি টিউচন মাষ্টৰে চুৰি কৰিলে সোণ-ৰূপৰ আ-অলংকাৰ। যিখিনি অলংকাৰৰ মূল্য প্ৰায় ১৫ লাখ টকা হ’ব বুলি অনুমান কৰা হৈছে।
এই ঘটনা সংঘটিত হৈছে উত্তৰ প্ৰদেশৰ কোতৱালীত। আৰু এনে কাৰ্য কৰা শিক্ষকজনক মহম্মদ আৰিফ বুলি জানিব পৰা গৈছে।
জানিব পৰা মতে, ভুক্তভোগী পৰিয়ালটোৱে পুত্ৰ কন্যাক ঘৰত এৰি বজাৰলৈ গৈছিল। তেনে সময়তে শিক্ষকজনে তেওঁলোকক পুঢ়োৱাবলৈ আহিছিল। কিন্তু ঘৰত তেওঁলোকৰ পিতৃ-মাতৃ নথকা বুলি জানিব পাৰি তেওঁ মূৰৰ বিষ হোৱাৰ ভাও ধৰে আৰু শোৱনি কোঠালৈ গৈ শুই পৰে।
তাৰ পিছত তেওঁ শিশু দুটিক ঔষধ আনিবলৈ পঠিয়াই আৰু সেই সুযোগতে ঘৰৰ গহনাখিনি লৈ পলাই যায়।
আৰক্ষীৰ সূত্ৰ অনুসৰি, কোতৱালী আৰক্ষী থানা এলেকাত প্ৰায় ১৫ লাখ টকাৰ গহনা চুৰি হোৱাৰ ঘটনা প্ৰকাশ হৈছে। বৈৰাভা মহল্লাৰ বাসিন্দা অশোক কুমাৰে চুৰিৰ প্ৰতিবেদন দাখিল কৰিছিল।
আৰক্ষীয়ে শিক্ষকজনক গ্ৰেপ্তাৰ কৰে। গ্ৰেপ্তাৰ কৰা শিক্ষকজন হৈছে চহৰখনৰ জয়পুৰ ৰোড নেচনেল মটৰ্ছৰ পিছফালে থকা মহম্মদ আৰিফ। তেওঁ চুৰি কৰা গহনা খিনিৰে এটা সোণৰ ঋণো লৈছিল।
কোতৱালী আৰক্ষী থানাৰ ভাৰপ্ৰাপ্ত বিষয়া লাল সিঙে কয় যে, “আৰিফৰ দৌচা চহৰত এটা প্ৰশিক্ষণ কেন্দ্ৰ আছিল। কোৰোনা লকডাউনৰ সময়ত তেওঁ লোকচানৰ সন্মুখীন হৈছিল। সেয়েহে তেওঁ টিউচন কৰিবলৈ ভুক্তভোগীৰ ঘৰলৈ গৈছিল। অভিযুক্তজনে চুৰি হোৱা গহনাৰে বেংকৰ পৰা সোণৰ ঋণো লৈছিল। কিছুমান ৰূপৰ অলংকাৰ তেওঁৰ ঘৰটো ৰাখিছিল। বহুতো অলংকাৰ তেওঁ সোণাৰীক বিক্ৰী কৰিছিল। তেওঁৰ পৰা চাৰিডাল সোণৰ ব্ৰেচলেট, দুপাত কাণফুলি, সোণৰ মঙ্গলসূত্ৰ, সোণৰ বিস্কুট, দুযোৰ বিবাহৰ ব্ৰেচলেট, ৫ ছেট ৰূপৰ পায়জামা, এযোৰ ভৰিৰ ব্ৰেচলেট, ৰূপৰ মুদ্ৰা আৰু আঙুঠি উদ্ধাৰ কৰা হৈছে।”
উল্লেখ্য যে অশোক কুমাৰে ৩১ অক্টোবৰত এখন এজাহাৰ দাখিল কৰিছিল। প্ৰতিবেদনত তেওঁ তেওঁৰ পত্নীৰ সৈতে বজাৰলৈ গৈছিল বুলি জনাইছিল।
ইফালে সেই সময়ত অভিযুক্তজনে শিশুসকলক টিউচন কৰিবলৈ ঘৰলৈ আহিছিল। তেতিয়াই তেওঁ মুৰৰ বিষ হোৱাৰ ভাও ধৰি বিচনাত শুই পৰিছিল আৰু শিশুসকলক ঔষধ আনিবলৈ পঠিয়াইছিল।
তাৰ পিছত তেওঁ সুযোগ লাভ কৰি বিচনাত ৰখা গহনা মোনাটো উলিয়াই পলাই গৈছিল। যেতিয়া পৰিয়ালৰ সদস্যসকল ঘৰত উপস্থিত হৈছিল তেতিয়া চুৰিৰ কথা পোহৰলৈ আহিছিল।
ভুক্তভোগীয়ে ২২ টোলা সোণ আৰু ৬ কিলোগ্ৰাম ৰূপৰ গহনাসহ ১০,০০০ নগদ ধন চুৰি হোৱাৰ অভিযােগ দাখিল কৰিছিল।
লগতে চাওকঃ
তৃতীয় মহলাৰ ওপৰৰ বাৰাণ্ডাৰ পৰা পৰি ডেৰ বছৰীয়া শিশুৰ মৃত্যু
