চোৰাং চিকাৰীৰ সন্ধান দিওতালৈ পুৰস্কাৰ ঘোষণা আৰক্ষীৰ, সন্ধান দি লাভ কৰক ২লাখকৈ টকা…
চোৰাং চিকাৰীৰ সন্ধান দিওতালৈ পুৰস্কাৰ ঘোষণা অসম আৰক্ষীৰ।
দুজন চোৰাং চিকাৰীৰ সন্ধান দিয়া লোকক ২ লাখ টকাকৈ পুৰস্কাৰ ঘোষণা কৰিছে আৰক্ষীয়ে।
অসম আৰক্ষীৰ বিশেষ সঞ্চালক প্ৰধান জি পি সিঙে আগঢ়াইছে এই অফাৰ।
জি পি সিঙে টুইটাৰৰ জৰিয়তে দুটা দুধৰ্ষ গঁড় চিকাৰীৰ ফটো আৰু তেওঁলোকৰ ঠিকনাৰ সৈতে উল্লেখ কৰিছে যে, যিয়ে এই অপৰাধী দুটাৰ সন্ধান দিবলৈ সক্ষম হ’ব তেওঁলোকক ২ লাখকৈ টকা পুৰস্কাৰ দিব আৰক্ষীয়ে।
জি পি সিঙে টুইটাৰত উল্লেখ কৰা অনুসৰি এই গঁড় চিকাৰী দুটাৰ নাম আব্দুল মাটিন ওৰফে কালা আৰু আতাউৰ ৰহমান। ইয়াৰে আব্দুল মাটিনৰ বয়স ৩৬ বছৰ। আনহাতে আতাউৰ ৰহমানৰ বয়স ৩৫।
গঁড় ৰ চোৰাং চিকাৰত জড়িত এই পলাতক অপৰাধী কেইজনক কৰায়ত্ব কৰিবলৈ বিচাৰি থকা হৈছে।সঠিক খৱৰ দিওঁতাই প্ৰতিজনৰ গ্ৰেপ্তাৰৰ বিনিময়ত পাব পাৰে নগদ দুই লাখ টকাৰ পুৰস্কাৰ – আব্দুল মটিন ওৰফে কালা
— GP Singh (@gpsinghips) February 2, 2022
বয়স-৩৬ বছৰ
পিতা- মহম্মদ ইছমাইল আলি
গাঁও-১ নং আদাভেটি
থানা- চটিয়া
জিলা- বিশ্বনাথ pic.twitter.com/oWzcwqgBVP
বিশ্বনাথ জিলাৰ চতিয়া আৰক্ষী থানাৰ অন্তৰ্গত ১ নং আদাভেঁটি গাঁৱৰ ইছমাইল আলীৰ পুত্ৰ আব্দুল মাটিন আৰু মহম্মদ ইফাৰ আলীৰ পুত্ৰ আতাউৰ ৰহমান।
গঁড় ৰ চোৰাং চিকাৰত জড়িত এই পলাতক অপৰাধী কেইজনক কৰায়ত্ব কৰিবলৈ বিচাৰি থকা হৈছে।সঠিক খৱৰ দিওঁতাই প্ৰতিজনৰ গ্ৰেপ্তাৰৰ বিনিময়ত পাব পাৰে নগদ দুই লাখ টকাৰ পুৰস্কাৰ – আতাউৰ ৰহমান ওৰফে বাচা, ৩৫ বছৰ
— GP Singh (@gpsinghips) February 2, 2022
পিতা-মহম্মদ ইফাৰ আলি
গাঁও- ১ নং আদাভেটি
থানা- চটিয়া pic.twitter.com/YXo4ME1jsn
যিয়ে এই চোৰাং চিকাৰী দুজনৰ বিষয়েে সন্ধান দিব সেই লোকক নগদ ধনেৰে পুৰস্কৃত কৰিব আৰক্ষীয়ে।
