নিউজ ডেস্কঃ আকাশ মাৰ্গত বিমানৰ শৌচাগাৰৰ ভিতৰত ধূম্ৰপান কৰাৰ অভিযোগত গ্ৰেপ্তাৰ এজন যাত্ৰীক।
এই চাঞ্চল্যকৰ ঘটনা সংঘটিত হয় অসম-বাংগালুৰু ইণ্ডিগ’ বিমানত।
অভিযুক্ত যাত্ৰীজনৰ পৰিচয় শ্বেহাৰী চৌধুৰী বুলি জানিব পৰা গৈছে।
অভিযোগ অনুসৰি, গুৱাহাটীৰ পৰা বাংগালুৰু অভিমুখে উৰা মৰা ইণ্ডিগ’ৰ ৬ই ৭১৬ বিমানৰ শৌচাগাৰত ধূমপান কৰিছিল যাত্ৰীজনে।
শৌচাগাৰৰ পৰা চিগাৰেটৰ গোন্ধ নিৰ্গত হোৱাত বিমানৰ ক্ৰুৱে কৰ্তৃপক্ষক অৱগত কৰে।
ইয়াৰ পিছতে বাংগালুৰু বিমান বন্দৰত অৱতৰণৰ লগে লগে বিমানবন্দৰ কৰ্তৃপক্ষই অভিযুক্ত যাত্ৰীজনক গ্ৰেপ্তাৰ কৰে।
ইফালে বিষয়টোৰ সঠিক তদন্ত আৰম্ভ কৰা হৈছে।
