অসমঅসমীয়া

এম্বুলেঞ্চৰ সৈতে বাইকৰ মুখামুখি সংঘৰ্ষত মৃত্যু ২ যুৱকৰ

নিউজ ডেস্ক। বৰঝাৰ বিমানবন্দৰৰ নিচেই সমীপৰ কামৰূপ জিলাৰ পলাশবাৰী থানাৰ এলেকাধীন বঙৰাৰ ১৭ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা।

এম্বুলেঞ্চ আৰু বাইকৰ মুখামুখী সংঘৰ্ষত মৃত্যু ২ যুৱকৰ।

জানিব পৰা মতে, মিৰ্জাৰ দিশৰ পৰা ৰাষ্ট্ৰীয় ঘাইপথেৰে দুই যুৱক ক্ৰমে কৱিন্দ নাথ আৰু পাৰ্থ ঠাকুৰীয়াই বঙৰা অভিমুখে AS-25-Q-0968 নম্বৰৰ হিৰ’ গ্লেমাৰ বাইকযোগে গৈ থকাৰ সময়তে বিপৰীত দিশৰ পৰা অহা ML-08-C-9888 নম্বৰৰ এখন এম্বুলেঞ্চৰ সৈতে সংঘৰ্ষ হয়।

এই সংঘৰ্ষ ইমানেই ভয়াৱহ আছিল যে দুয়ােখন বাহনে বিধ্বস্ত হৈ পৰাৰ লগতে বাইক আৰােহী পাৰ্থ ঠাকুৰীয়া নামৰ যুৱকৰ থিতাতে মৃত্যু ঘটে।

আনহাতে, কৱিন্দ নাথ নামৰ আন এজন বাইক আৰােহী অতি সংকটজনক অৱস্থাত গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হয় যদিও আদবাটতে মৃত্যুক আকোৱালি লয়।

Related Articles

Leave a Reply

Your email address will not be published.

Back to top button