অসমীয়াঅসম

এই কেইখন জিলাত অনিৰ্দিষ্টকাললৈ স্থগিত গুণোৎসৱ

নিউজ ডেস্কঃ ৰাজ্যৰ কেইবাখনো জিলাত বৰ্তমানো অনিয়ন্ত্ৰিত হৈ আছে বান পৰিস্থিতি। বানত প্লাৱিত হৈ আছে বিস্তৃৰ্ণ এলেকা।

অসমৰ ভয়াবহ বান পৰিস্থিতিৰ বাবেই এইবাৰ ১ জুলাইৰ পৰিৱৰ্তে আগতীয়াকৈ ২৫ জুনৰ পৰা বিদ্যালয়ৰ গ্ৰীষ্মকালীন বন্ধ প্ৰদানৰ ঘোষণা কৰিছে শিক্ষা বিভাগে।

photo1656053793

বৃহস্পতিবাৰে ৰাজ্যৰ শিক্ষামন্ত্ৰী ডা০ ৰণোজ পেগুৱে গৰমৰ বন্ধক লৈ কৰা ঘোষণাৰ পিছতে ৯ খন জিলাত অনুষ্ঠিত হ’বলগীয়া গুণোৎসৱ অনিৰ্দিষ্টকাললৈ স্থগিত ৰখা হৈছে। এই কথা প্ৰকাশ কৰিছে সৰ্বশিক্ষা অভিযানে।

উল্লেখ্য যে, অহা ২৭ জুনৰ পৰা ৩০ জুনলৈ কাছাৰ, ডিমাহাছাও, হাইলাকান্দি, হোজাই, দক্ষিণ শালমৰা-মানকাচৰ, বৰপেটা, কামৰূপ, মৰিগাঁও আৰু লখিমপুৰ জিলাত অনুষ্ঠিত হোৱাৰ কথা আছিল গুণোৎসৱ।

কিন্তু বিদ্যালয়সমূহৰ গৰমৰ বন্ধ এইবাৰ আগতীয়াকৈ প্ৰদান কৰা হোৱাত জিলা কেইখনৰ অন্তৰ্গত বিদ্যালয়ৰ গুণোৎসৱ বাতিল কৰা হৈছে।

Related Articles

Back to top button