উৰিষ্যাৰ মুখ্যমন্ত্ৰী নবীন পাটনায়কৰ কনভয়ত কণীৰে আক্ৰমণ।
বুধবাৰে তীৰ্থযাত্ৰী চহৰ পুৰীত উচ্চাকাংক্ষী শ্ৰীমান্দিৰ হেৰিটেজ কৰিডৰ প্ৰকল্পৰ আধাৰশিলা স্থাপন কৰি উভতি অহাৰ সময়ত এই আক্ৰমণ কৰে তেওঁৰ ওপৰত।
ইয়াৰোপৰি ক”লা পতাকা প্ৰদৰ্শন কৰে মুখ্যমন্ত্ৰীজনক।
মূলতঃ বিৰোধী দলৰ নেতা আৰু ভাৰতীয় জনতা যুৱ মৰ্চা (বিজেৱাইএম)ই এই আক্ৰমণ কৰে মুখ্যমন্ত্ৰীজনক। পুৰীৰ চিকিৎসালয় ছাকৰ ওচৰত মুখ্যমন্ত্ৰী নবীন পাটনায়কৰ কনভয়ত কণী নিক্ষেপ কৰে তেওঁলোকে। কঠোৰ নিৰাপত্তা থকাৰ সত্ত্বেও মুখ্যমন্ত্ৰীজন সন্মুখীন হয় এনে কাৰ্যৰ। প্ৰাথমিক প্ৰতিবেদন অনুসৰি, তিনিজন যুৱক প্ৰতিবাদত জড়িত আছিল।
এই সন্দৰ্ভত উৰিষ্যাৰ বিজেৱাইএমৰ সভাপতি ইৰাচিছ আচাৰ্যই কয়, “আমাৰ দ্বাৰা কণী নিক্ষেপ কৰা হৈছিল। আমাৰ দ্বাৰা ক’লা পতাকাও দেখুওৱা হৈছিল। মুখ্যমন্ত্ৰী য’লৈকে যায়, ভাৰতীয় জনতা যুৱ মৰ্চাই (বিজেৱাইএম) আন্দোলন কৰিব। যদি ‘কলংকিত’ মন্ত্ৰী দিবিয়া শংকৰ মিশ্ৰক বহিষ্কাৰ কৰা নহয় বা তেওঁৰ বিৰুদ্ধে কোনো ব্যৱস্থা লোৱা নহয়, তেন্তে প্ৰতিবাদ অব্যাহত থাকিব।”
Eggs hurled at CM @Naveen_Odisha’s convoy in #Puri pic.twitter.com/fSoFEfkfS9
— D (@DebabrataTOI) November 24, 2021
উল্লেখ্য যে মুখ্যমন্ত্ৰীৰ নিৰ্ধাৰিত পুৰী ভ্ৰমণৰ প্ৰতি লক্ষ্য ৰাখি নিৰাপত্তা ব্যৱস্থাৰ বাবে ২০ প্লাটুনতকৈও অধিক আৰক্ষী বাহিনী মোতায়েন কৰা হৈছিল। প্ৰথমতে শ্ৰীমন্দিৰ পৰিক্ৰমা প্ৰকল্পৰ শিলান্যাস অনুষ্ঠানৰ বাবে পুৰীত উপস্থিত হোৱাৰ সময়ত পাটনায়ক ক’লা পতাকা প্ৰদৰ্শন কৰা হৈছিল।
প্ৰতিবেদন অনুসৰি, দুজন যুৱকে নিৰাপত্তা আৱৰণৰ মাজেৰে মনে মনে আহি গ্ৰেণ্ড ৰোডৰ (বাদদাণ্ডা) ওচৰৰ অস্থায়ী বেৰিকেডৰ ওপৰেৰে জঁপিয়াই মুখ্যমন্ত্ৰীৰ কনভয়ৰ সন্মুখলৈ আহিছিল। নিৰাপত্তাৰক্ষীয়ে তেওঁলোকক দমন কৰাৰ আগতে তেওঁলোকে মুখ্যমন্ত্ৰীৰ বিৰুদ্ধে শ্ল’গান দিছিল। পিছত আন এজন যুৱকেও প্ৰতিবাদত যোগদান কৰিছিল। আৰক্ষীয়ে পৰৱৰ্তী সময়ত তিনিওজনক প্ৰতিৰোধমূলক জিম্মাত লৈছিল।
ইয়াৰ পূৰ্বে, মালাটিপাটাপুৰৰ ওচৰত মন্ত্ৰী বিক্ৰম আৰুখৰ বাহনত কণী নিক্ষেপ কৰা হৈছিল। যেতিয়া তেওঁ বৃহৎ অনুষ্ঠানত অংশগ্ৰহণ কৰিবলৈ পুৰীলৈ গৈ আছিল। সন্দেহ কৰা হৈছে যে মন্ত্ৰীজনৰ ওপৰত কণী আক্ৰমণ ৰাজ্য চৰকাৰৰ বিৰুদ্ধে এক প্ৰতিবাদৰ চিহ্ন আছিল।
যাৰ বিৰুদ্ধে কালাহাণ্ডি মহিলা শিক্ষক মমিতা মেহেৰৰ হত্যাৰ তদন্তক লৈ ভৰি টানি নিয়াৰ অভিযোগ উত্থাপিত হৈছে। বিজেপি কৰ্মীসকলেও মন্ত্ৰী অৰুখক ক’লা পতাকা দেখুৱাইছিল আৰু পিছত গোবৰৰ পানী ছটিয়াই বাদদাণ্ডা বিশুদ্ধ কৰিছিল।